کرونا نا تالانی ءِ توننگ کن میڈیا آگاہی اہم ءُ کڑد ادا کننگ ءِ،فردوس اعوان

اسلام آباد(اے پی پی) وزیراعظم نا خصوصی کمکار حوالکاری و شینکاری ڈاکٹر فردوس عاشق اعوان پارینے کہ کرونا وائرس نا تالانی ءِ توننگ کن میڈیا آگاہی نا کمک اٹ کلیدی کڑد ادا کننگ ءِ، ہرا ستاکڑزک، دا چیلنج تون مون تننگ کن میڈیا ءِ تینا شریدار سرپند کینہ، ساڑی حالیت آتے ٹی افراتفری آن بچنگ المی ءِ۔ زیات باخبر رہینگوئی ءِ تانکہ سیوت و اسٹی اٹ دا وائرس نا مقابلہءِ کننگ مرے۔ سے شنبے نادے آ خصوصی کمکار ڈاکٹر فردوس عاشق اعوان تینا ٹویٹ اٹی پارے کہ میڈیا نا مچ آ عمل اٹ کلیدی ئ ± کڑد اسے۔ ناجوڑی نا علامت، اونا ممکنہ درمان و بچنگ نابارواٹی پورو معلومداری دوئی کیر تانکہ نن غٹ تینا و اسہ ایلو نا خیال ءِ تخنگ کین۔ تینے ہم داناجوڑی آن بچفبو و تینا دوست آتے ہم دا دَین آن بچفبو۔ ہوکا تیا اس ±ل خف توپبو۔ اوپارے کہ مسیت نا منبر و امام نا توار دا جہانی چیلنج نا مقابلہ ءِ کننگ کن ہر اول دستہ نا کڑد ءِ ادا کننگ کیرہ، وزیراعظم عمران خان نا مولانا طارق جمیل تون اوڑدہی دا چرجوئی نا اسہ کڑی اسے، دا اہم قومی فرض اٹی عالم دین تا بنجائی کڑد اکن وزارت مذہبی امور ءِ زمواری تننگانے۔