کرونا وائرس‘ آئی ایم ایف زہمی ملک آتے 10 کھرب ڈالر تننگ کن تیار
Get real time updates directly on you device, subscribe now.
نیو یا رک (آن لائن ) جہانی کمکی فنڈ (آئی ایم ایف) پارینے کہ اوکرونا وائرس آن زہمی و معاشی وڑ اٹ زہمی مروک آ ملک آتا کمک کن 10 کھرب ڈالر وام تننگ کن تیار ءِ۔ یات سلے کہ 15 مارچ آ امریکی فیڈرل ریزرو معاشی نمو نا اُست خواہی کن سود نا شرح ءِ صفر کننگاسس۔ رپورٹ نا رداٹ داڑان بیدس واشنگٹن زرگزران ءِ کرونا وائرس نا اثر تےان بچفنگ کن 700 ارب ڈالر نا پروگرام اس ہم بنا کرینے۔ آئی ایم ایف نا منیجنگ ڈائریکٹر کرسٹالینا جورجیفا تینا بیان اسے ٹی پارینے کہ آئی ایم ایف باسک ملک آتیکن 10 کھرب ڈالر نا وام تننگ کن تیار ءِ۔’ او پارینے کہ رکھ انا اولیکو لیک انا وڑ اٹ فنڈ آتے ترندی اٹ جاری کننگک تانکہ بیلس آف پےمنٹ نا گواچی آ ملک آتا کمک ءِ کننگ کین۔ کرسٹالینا جورجیفا پارینے کہ دا فنڈ آک مونی ہنوک ءُ و شون ہلوک آ زرگزران تے 50 ارب ڈالر اسکان و کم آمدنی والا باسک ملک آتیکن 10 ارب ڈالر صفر شرح سود اکن مریرہ۔ یات سلے کہ آئی ایم ایف کل 200 ارب ڈالر تننگ نا وعدہ کرینے۔