بلوچستان فوڈ اتھارٹی نا فوڈ سیفٹی ٹیم ناکارروائی‘پنی آ ریسٹورنٹ ءِ ڈنڈ کننگ
Get real time updates directly on you device, subscribe now.
کوئٹہ (خ ن) بلوچستان فوڈ اتھارٹی نا فوڈ سیفٹی ٹیم کن وخور نا ہیبدار گڑا تیار وبہا کننگ و جانجوڑی نااصول آتا خلاف ورزی کننگ آ ماڈل ٹاﺅن اٹ جوڑ پنی آ ریسٹورنٹ آ ڈنڈ کرسا ریسٹورنٹ آن دوئی کروک گڑاتے تلف کرے۔ بی ایف اے نا جاچ ہلوک ٹیم السی غاو تیا سَے شنبے نادے ہندا ریسٹورنٹ نا جاچ ءِ ہلک‘ سَفائی نا ہیبدار حالیت‘ دالان و اسٹوریج ایریا ٹی سَفائی مفننگ‘ خراب انگا سوزی تا ساڑی گری و جم وڑ اٹ الس ءِ جانجوڑی نا اصول آتیان چَپ کن وخور ناگڑا تننگ آ ریسٹورنٹ نا برخلاف کارروائی کننگا۔ داکان بیدس فوڈ اتھارٹی ناکمامدار آتا کنڈآن ریسٹورنٹ نا مالک آتے سفائی نا جوان بست وبند کننگ‘ جوان ءُ گڑا کاریم اٹ اتنگ و دمدستی ملازم آتا میڈیکل ٹیسٹ کرفنگ نا پارت کننگا وخت اس کہ دا بابت اوفتے بی ایف اے نا پیدوار کروک اسٹینڈرڈ نابارو اٹ خصوصی ایس او پیز ہم تننگا۔