ضلعی انتظامیہ کرونا وائرس نا توننگ کن پرعزم ءِ‘قائم لاشاری

کوئٹہ (اے پی پی) ڈپٹی کمشنر قائم لاشاری پارینے کہ ضلعی انتظامیہ کرونا وائرس نا توننگ کن پرعزم ءِ‘ کرونا وائرس نا چٹفنگ کن کل ءِ انتظامیہ تون کمک کروئی مریک‘ وائرس نا مون ءِ توننگ کن ضلع نا الس‘ قبائلی متبر‘ عالم دین و انتظامیہ پورو وڑ اٹ تیار ءِ‘ کروناوائرس آ انتظامی ڈیوالئی الس نا جان تتون گوازی آنبار مریک ہرادے اسُل سگپنہ‘ جہانی ناجوڑی ءِ چٹفنگ کن کل ءِ تینا فرض ءِ پورو کروئی مریک۔ دا ہیت آتے او تینا دفتر اٹ اوڑدہی کروک پرائیوٹ ہسپتال ایسوسی ایشن، ہوٹل ایسوسی ایشن و انجمن تاجران ان ڈل آتون ہیت وگپ کرسا کرے۔ دا وخت آ ایڈیشنل ڈپٹی کمشنر (جنرل ) امین اللہ ناصر و ڈی ایچ او زمان جمالی ہم ساڑی ئس‘ ڈپٹی کمشنر پارے کہ کرونا وائرس نا بابت بست وبند آک است جمی نا سوب ءُ۔ پرائیویٹ ہسپتال آتا کارندہ غاک ناجوڑ آتے جوان وڑ اٹ شعور و آگہی فراوان کیر۔