حکومت ذکری کمیونٹی و زیارت کمیٹی نا مذہبی مچی ءِ ملتوی کننگ نا گام انا ستاءِ کیک‘ظہور بلیدی
تربت (آن لائن) بلوچستان نا صوبائی وزیرخزانہ میرظہوراحمدبلیدی پارینے کہ حکومت بلوچستان ذکری کمیونٹی و زیارت کمیٹی نا کرونا وائرس نا دَین ناتالان مننگ نا سوب آن مذہبی مچی ءِ ملتوی کننگ نا گام انا ستاءِ کیک‘ صوبائی حکومت اومیت کیک کہ الس نا فائدہ کن غٹ مذہب و فرقہ غاک دا دَین نا توننگ کن تینا کڑد ءِ پبی وڑ اٹ ادا کیرہ۔ یات سلے کہ کمشنر مکران ڈویڑن طارق قمر نا کنڈآن محکمہ داخلہ بلوچستان نا پرمان آ گوادر تربت و پنجگور اٹ دفعہ 144 نافذ کننگ ناپرمان آن پد زیارت کمیٹی نا چیئرمین وباسک آک حکومتی فیصلہ نارد اٹ دا سال زیارت شریف آ رسم زیارت ءِ ملتوی کرینو۔