کرونا وائرس ناگمانی گڑتی تا بابت ڈی سی آفس سبی ٹی ہلہلہ ئی دیوان

0

Get real time updates directly on you device, subscribe now.

کوئٹہ (اے پی پی) ڈپٹی کمشنر سبی ڈاکٹر یاسر خان بازئی ناکماشی ٹی کرونا وائرس ناگمانی گڑتی تا بابت تدوک آ دے ڈی سی آفس سبی ٹی ہلہلہ ئی دیوان اڈ ہلک‘ دیوان اٹ ایڈیشنل ڈپٹی کمشنر ریونیو رحمت اللہ گشکوری، اسسٹنٹ کمشنر سبی عنایت اللہ کاسی، چیف آفیسر اسلم لغاری، تحصیلدار نصیر ترین، انجمن تاجران، ہوٹل آتا مالک آک بشخ ہلکر۔ دیوان آن تران کرسا ڈپٹی کمشنر سبی ڈاکٹر یاسر خان بازئی پارے کہ کرونا وائرس تون مون تننگ کن غٹ رکھی بست وبند آتے پورو کننگانے‘ کرونا وائرس نا سوب آن غٹ دفتر‘ ہسپتال و خاص انگا ہند آتیا رکھی اسپرے ہم کننگ انگ ءِ‘ ڈسٹرکٹ سبی ٹی کرونا وائرس نا دا وخت اسکان اسہ کیس اس ہم رپورٹ متنے‘ وزیراعلیٰ بلوچستان جام کمال خان نا خصوصی پارت آ کرونا وائرس نا توننگ و رکھی بست وبند آتیکن گام گیج کننگ انگ ءِ‘ وائرس نا توننگ کن کل ءِ کڑد ادا کروئی مریک۔ او انجمن تاجران و دکاندار تے پارے کہ تینٹ کبینی کننگ و کوڑی کنگن آ ہچ سمجھوتہ کننگپک۔ او پارے کہ مچ آشار اٹ دفعہ 144 نافذ کننگانے دَہ آن زیات بندغ نا مچی آ رکھ مریک۔ ہندا سوب آن غٹ ہوٹل آتا مالک و دکاندار تیان خواست ءِ کہ او بندغ آتے مچ مننگ کن الیپس‘ دا رد اٹ ہچ ءُ ڈیوالئی یا بے پرواہی اس سگنگ مفک۔

Get real time updates directly on you device, subscribe now.

Leave A Reply

Your email address will not be published.