پی سی بی کرونا وائرس نا سوب آن پی ایس ایل ءِ چٹفنگ نا فیصلہ کننگ آن پد بچوک آ میچ آتے ری شیڈول کننگ نا پڑو

لاہور(مانیٹرنگ ڈیسک) پاکستان کرکٹ بورڈ پاکستان سپر لیگ ءِ زوت اس چٹفنگ نا فیصلہ کرے۔ حوال نا رداٹ پاکستان کرکٹ بورڈ کرونا وائرس نا خلیس نا سوب آن پاکستان سپر لیگ نا ایلو میچ آتے زوت اس چٹفنگ نا فیصلہ ءِ پک کرینے۔ وخت اس کہ پی سی بی نا چیف ایگزیکٹو وسیم خان پارینے کہ کرونا وائرس نا سوب آن پاکستان سپر لیگ نا ہرا میچ آک ملتوی مسنو اوفتے ری شیڈول کننگ نا فیصلہ کینہ۔ ملک اٹ کرونا وائرس کیس آتا کچ اٹ زیاتی نا سوب آن پاکستان کرکٹ بورڈ پاکستان سپر لیگ ءِ زوت اس چٹفنگ نا فیصلہ کرینے۔ او پارینے کہ اسہ در ملکی ءُ گوازی گر اسے ٹی کرونا وائرس نا علامات آک ساڑی ئسر ہرا درملکی گوازی گر اٹ کرونا وائرس نا نشانیک ئسر او پاکستان آ ہنانے۔ وخت اس کہ درملکی گوازی گر اٹی کرونا وائرس نا نشانی تا خنگ آن پد پی ایس ایل ءِ چٹفنگ نا فیصلہ کننگانے۔ وسیم خان مستی پارینے کہ کرونا وائرس مچ آ دنیا ءِ زہمی کننگ اٹی ءِ، دا فیصلہ سا آن زیات اف، فرنچائزر آتا سلاہ ٹی ایونٹ ءِ ری شیڈول کننگک۔