پی ایس ایل اٹی اوار انگا کل بندغ آتا کرونا ٹیسٹ کرفنگ نا فیصلہ

لاہور (مانیٹرنگ ڈیسک) پاکستان کرکٹ بورڈ پی ایس ایل تون گنڈوک انگا کل بندغ آتے کرونا وائرس نا ٹیسٹ کرفنگ نا فیصلہ کرینے۔ حوال نا رداٹ رکھوک آ گام گیج نا وڑ اٹ کرونا وائرس نا ٹیسٹنگ زوت اس پورو کننگک۔پاکستان سپر لیگ تون گنڈوک انگا کل بندغ آتا ٹیسٹ آتے زوت اس ہوٹل اٹ پورو کنننگک۔ یات سلے کہ کرونا وائرس نا سوب آن کل آن اولیکو ایونٹ نا ایلو میچ آتے بیدس شیدائی آن کرفنگ نا پڑو کننگاسس ولے پد آن میچ آتے کم کننگا، ولے داسہ پورا پی ایس ایل ءِ چٹفنگ نا فیصلہ کننگانے۔ اوٹی کاریم کروک آ یعنی پی ایس ایل اٹ اوار انگا کل ءِ بندغ آتے کرونا ٹیسٹ کرفنگ نا فیصلہ ہم کننگانے۔