کرونا وائرس آن بچنگ کن احتیاطی گام گیج آتیا سختی اٹ عملدرآمد کرفنگے، کمشنر نصیرآباد

کوئٹہ(اے پی پی) کمشنر نصیرآباد عابد سلیم قریشی پارینے کہ کرونا وائرس آن بچنگ کن احتیاطی گام گیج آتیا سختی اٹ عملدرآمد کرفنگے نصیر آباد ڈویژن نا مسہ ضلع جعفر آباد، صحبت پور، و ضلع جھل مگسی نا سیمک سندھ اتون ملرہ ہنداخاطرآن ایب وکیب علاقہ و ضلع غاتے ٹی خصوصی وڑاٹ بچفنگ نا گام گیج آتے پک کننگے، مچ آ ڈویژن اٹی احساس پروگرام ، نادرادفتر آتے بند کننگے پڑی ہفتہ ٹی اسہ دے اس خلنگے، ڈویژنل و ضلعی کہول آ کرونا کنٹرول روم اس جوڑ کننگے تانکہ پورو اپ ڈیٹ دوئی کننگ مرے ، برام و السی مچی تا دود آتیا پورو پابندی خلسا ہوٹلز و منی سینما تے ہم بند کننگے کانود نا خلاف ورزی کروک آتا برخلاف فی الفور کارروائی کننگے۔