بلوچستان اٹی پر و برف انا پوسکن ءُ ریسہ اسے نا بنا

0

Get real time updates directly on you device, subscribe now.

کوئٹہ : بلوچستان اٹی پر و برف انا اسہ پوسکن ءُ ریسہ اسے نا بنا مسنے، زیارت، کان مہترزئی تون اوار چندی علاقہ غاتیٹی برف بٹنگ و صوبائی دارالحکومت کوئٹہ تون اوار ایلو کیہی علاقہ غاتیٹی پر کرینے، داڑتون اوار یخ اٹ ہم ودکی مسنے۔ حکومت نا کنڈ آن تعلقدار ادارہ غاتے الرٹ مننگ نا پارت کننگانے، محکمہ موسمیات نا رد اٹ قطب دیکی بلوچستان اٹی اسہ وار ولدا پر و برف انا چرجوئی بنا کرینے۔ زیارت دامان و کان مہتر زئی ٹی برف بٹنگ نا چرجوئی برجا ءِ۔ وخت اس کہ ضلع زیارت اٹی کل ادارہ غاتے الرٹ مننگ نا پاننگانے۔ ورابطہ سڑک آتیب حال تخنگ کن مشینری کاریم اٹ اتنگ ناپارت کننگانے۔ ڈی سی قلعہ سیف اللہ حافظ قاسم کاکڑ نا رد اٹ پی ڈی ایم اے و این ایچ اے نا مشینریک ہائی وے آ اریر ع کارندہ غاک الرٹ ءُ۔ پشین، خانوزئی، مسلم باغ و سرانان اٹی نیام نیام اٹ پر انا چرجوئی برجا ءِ، وخت اس کہ چمن و ایب کیب اٹ تہو و لوڑ انا سوب آن بجلی ہنانے۔ پی ڈی ایم اے الرٹ جاری کرینے و ہیوی مشینری ہم تعلقدار علاقہ غاتیٹی رسیفنگانے۔ محکمہ موسمیات نا رد اٹ کم و نیامی وڑ انا پر تا چرجوئی ملک انا دیکی و بڑزکو علاقہ غاتیٹی سَے شنبے آن پترینگک، وخت اس کہ پنچ شنبے اسکان بڑزکو علاقہ غاتیٹی ساڑی سلک۔ یات سلے کہ محکمہ موسمیات ناکنڈ آن سَے شنبے چار شنبے نا دے کوئٹہ، زیارت، پشین، ژوب، قلعہ عبداللہ، کوہلو و بارکھان اٹی پر و برف انا پیشنگوئی کننگاسس۔

(آن لائن)

Get real time updates directly on you device, subscribe now.

Leave A Reply

Your email address will not be published.