سندھ اٹ اسہ دے ٹی کورونا غان 6 پوسکن ءُ زوال رپورٹ

کراچی (آن لائن) سندھ اٹی تدوک آ 24 گھنٹہ ٹی کورونا وائرس نا 6 پوسکن ءُ مریض زوال مسنو، ہراڑان پد جم وڑ اٹ زوال مروک آتا کچ ہفت ہزار ہفت سَد و سَے مسنے، وخت اس کہ 17725 ٹیسٹ کرفنگار، ہرافتیان 3238 پوسکن ءُ کیس مونی بسر۔ دا ہیت ءِ وزیر اعلیٰ سندھ سید مراد علی شاہ دو شنبے نا دے وزیراعلیٰ ہاؤس آن جاری کروک بیان اسے ٹی کرے، او پارے کہ کورونا وائرس آن شش پوسکن ءُ زوال مسنو، ہراڑان پد مرک آتا جم کچ 7703 مسنے، ہرا کہ مرک آتا کچ نا 1.5 درسد مریک۔ مراد علی شاہ پارے کہ 17725 ٹیسٹ کننگار، ہرافتیان 3238 کیس انا سما تما ہرا کہ ساڑی تشخیصی کچ انا 18.3 درسد مریرہ۔ او پارے کہ داتم اسکان 7368038 ٹیسٹ کننگانو، ہرافتیان 504193 کیس انا تشخیص مسنے، اوفتیان 93.7 درسد یعنی 472524 ناجوڑ دراخ جوڑ ہم مسنو۔ ہرافتیٹی تدوک آ 24 گھنٹہ ٹی دراخ جوڑ مروک 399 ناجوڑ ہم اوار ءُ۔ وزیراعلیٰ سندھ پارے کہ دا وخت آ 23963 ناجوڑ درمان مننگ ءُ، ہرافتیان 23643 اُرا تیٹی، 26 آئسولیشن ہند آتیٹی و 294 جتا جتا ہسپتال آتیٹی ءُ۔ او پارے کہ 260 ناجوڑ نا حالیت نازرک ءِ، ہرافتیان 20 ءِ وینٹی لیٹر آ گدریفنگانے، بیان نا رد اٹ 3238 پوسکن آ کیس آتیان 2446 کراچی ٹی مونی بسنو، ہرافتیان 976 شرقی، 695 جنوبی، 521 وسطی، 242 کورنگی، 219 ملیر و 93 غربی آن ءُ۔ حیدرآباد اٹی 186، سکھر 53، شکارپور 34، گھوٹکی 24، جیکب آباد 22، دادو 21، جام شورو 20، میرپورخاص و شہید بینظیر آباد14، سانگھڑ 12، نوشہروفیروز و ٹھٹھہ 11، مٹیاری و بدین 10، لاڑکانہ و ٹنڈو محمد خان 9، کشمور 8، ٹنڈوالہیار و عمرکوٹ 6 و خیرپور و تھرپارکر آن 2 کیس ءُ۔