کمشنر لورالائی ولی محمد بڑیچ نا کماشی ٹی غاو دیوان
Get real time updates directly on you device, subscribe now.
لورالائی، کمشنر لورالائی ولی محمد بڑیچ نا کماشی ٹی غاو دیوان دیر، تعلیم، جانجوڑی‘ بجلی، کسر و ایلو ویل آتیا الس نا غاو تے خف توننگا‘ کیہی ویل آتا دمدستی ایسری کن جاگہ غا پارت جاری، ضلعی انتظامیہ لورالائی نا کنڈآن تحصیل میختر اٹی اسہ اہم و پبی غاو دیوان اس اڈ ہلک، ہراٹی کمشنر لورالائی ڈویژن ولی محمد بڑیچ خاص انگا مہمان نا وڑ اٹ بشخ ہلک، غاو دیوان اٹی ڈپٹی کمشنر لورالائی کیپٹن (ر) محمد حسیب شجاع، ونگ کمانڈر 53 ونگ لورالائی اسکاؤٹس، اسسٹنٹ کمشنر میختر اسرار احمد مندوخیل، ایڈیشنل ڈپٹی کمشنر (جنرل) علی نواز جمالی تون اوار کل تعلقدار محکمہ غاتا ڈویژنل و ضلعی افسر، تحصیل میختر نا سیاسی و قبائلی متبر آک، انجمن تاجران، سول سوسائٹی و الس نا بھلو کچ اس بشخ ہلک، غاو دیوان نا وخت آ تحصیل میختر نا جتا جتا علاقہ غاتیان تعلقدارشاریک دراست کمشنر لورالائی و ضلعی انتظامیہ نا مون آ تینا ویل و مون تروک خواری تے پیش کریر۔(محمود بلوچ)