کمشنر کوئٹہ ڈویژن نا کماشی ٹی ڈی ایم سی نا دیوان

کوئٹہ، کمشنر کوئٹہ ڈویژن ذیشان لاشاری نا کماشی ٹی ڈویژنل مانیٹرنگ کمیٹی (DMC) نا دیوان اڈ ہلک، ہراٹی ضلع غاتے ٹی امن وایمنی‘ سیکیورٹی، منشیات تور، تعلیمی و جانجوڑی ادارہ غاتا فعال مننگ تون اوار جتا جتا اہم باندات آتیا پیش رفت نا جاچ ءِ ہلنگا، دا وخت آ ڈپٹی کمشنر کوئٹہ مہراللہ بادینی، ڈپٹی کمشنر کوئٹہ ویسٹ منیر احمد درانی، اسسٹنٹ کمشنر ریونیو کوئٹہ ڈویژن سید کلیم اللہ تون اوار ڈپٹی کمشنر مستونگ بہرام خان آن لائن بشخ ہلک، داکان بیدس محکمہ پولیس، ایکائز، کسٹمز، ایف سی، نادرا، اسپیشل برانچ، اے این ایف و ایلو ادارہ غاتا افسر آک ہم ساڑی ئسر، دیوان اٹی ڈسٹرکٹ امپلیمنٹیشن کمیٹی تا دیوان تا اڈ تننگ، اوفتا منٹس نا وخت آ فراوانی، BISA ڈیش بورڈ آ غاو و اوفتیا کننگوک کارروائی تا باقاعدگی اٹ اپ لوڈنگ، دہشت گرد و اوفتا کمکار آتا پروفائلنگ و فورتھ شیڈول اٹی اوار بندغ آتا ضلعی کہول آ اپ ڈیٹ مروک ڈیٹا نا جاچ ءِ ہلنگا۔