ایم این اے پھلین بلوچ تون کیسکو مکران سرکل نا ایس ای او نا اوڑدہی
Get real time updates directly on you device, subscribe now.
پنجگور، سپرنٹنڈنگ انجینئر آپریشن مکران سرکل نا پنجگور اٹی ایم این اے پھلین بلوچ تون اہم اوڑدہی، کوئٹہ الیکٹرک سپلائی کمپنی (کیسکو) مکران سرکل نا سپرنٹنڈنگ انجینئر آپریشن انجینئر سیف اللہ جاموٹ پنجگور اٹی قومی اسمبلی نا باسک پھلین بلوچ تون اونا اُرا ٹی اوڑدہی کرے، دا وخت آ سب ڈویژنل آفیسر آپریشن سب ڈویژن کیسکو پنجگور انجینئر فاضل فضل ہم اوڑتون اوار ئس، اوڑدہی نا وخت آ پنجگور اٹی بجلی نا فراوانی، بجلی صارف آتے مون تروک ویل، بجلی نا بل آتا وخت آ تننگ‘ ریکوری نا حالیت و کیسکو تون گنڈوک چندی اہم وباندات آتیا جم گپ وتران کننگا۔ سپرنٹنڈنگ انجینئر آپریشن مکران سرکل انجینئر سیف اللہ جاموٹ ایم این اے پھلین بلوچ ءِ پنجگور اٹی برجا ریکوری مہم، بجلی بل آتا ہلنگ و صارف آتے گچین بجلی نا فراوانی نا بابت کیسکو نا کنڈ آن کروک گام گیج آتیان معلومدار کرے۔ (تلار نیوز)