خاران شار و ایب کیب انا کنوئی دیر انا ویل انا ایسری کن غاو دیوان
Get real time updates directly on you device, subscribe now.
خاران، خاران شار و اونا ایب کیب نا علاقہ غاتیٹی سفا انگا کنوئی دیر انا فراوانی ءِ پک کننگ و الس ءِ مون تروک متکن آ ویل آتا دمدستی ایسری کن غاو دیوان اڈ تننگا۔ دا گام صوبائی وزیرِ خزانہ و معدنیات و ایم پی اے خاران میر شعیب جان نوشیروانی و ڈپٹی کمشنر خاران منیر احمد سومرو نا خاص پارت و السی اولیت آتے مون آ تخسا ہرفنگا، تاکہ شاری کہول آ دیر انا بشخ و پانٹ و تعلقدار غاو تا ایسری ءِ پک کننگ مرے۔ غاو دیوان نا کماشی ءِ ایڈیشنل ڈپٹی کمشنر خاران عمر جمالی و ایکسین پی ایچ ای حاجی امان اللہ شاہوانی کریر، دا وخت آ سب انجینئر میر احمد سیاپاد تون اوار صوبائی وزیرِ خزانہ نا فوکل پرسن پی ایچ ای بختیار احمد مسکانزئی، پنی آ راجی و سیاسی شخصیت حاجی حبیب احمد کبدانی، جہانزیب شیخ، مولانا عظمت اللہ انقلابی، ندیم بلوچ، کے ڈی بلوچ، و محی الدین بلوچ تون اوار تعلقدار محکمہ نا افسر و الس بھلو کچ اسے ٹی بشخ ہلک۔ (رپورٹ محمد عیسیٰ محمد حسنی)