الس نا زرگزرانی تنکی تے مون آتخسا لائحہ عمل اس ٹہیفنگ اُن، عمران خان

اسلام آباد: وزیراعظم عمران خان پارینے کہ الس نا زرگزرانی تنکی تے مون آ تخسا لائحہ عمل اس ٹہیفنگ انگ ءِ۔ احساس کیش ایمرجنسی پروگرام ءِ غٹ سیاسی خڑکی تیان ایڑترمرسا بے کچ شفاف و میرٹ نا بنداو آ چلیفنگ انگ ءِ۔ کوروناریلیف ٹائیگر فورس اٹ اوار مننگ نا بابت ورناتا جوزہ ستاکڑزک۔ سیاسی سرکڑدہ غاک سخی تے متحرک کننگ و ہر حقدار اسکان سرمننگ اٹ کڑد اداکیر۔ داخیال آتا درشانی ءِ او چارشنبے نادے آ پی ٹی آئی نا مرکزی نائب صدر و سندھ اسمبلی ٹی پی ٹی آئی نا پارلیمانی لیڈر حلیم عادل شیخ تون اوڑدہی ٹی کرے۔ حلیم عادل شیخ وزیر اعظم ءِ کوروناوائرس نا رداٹ صوبہ سندھ انا جم حالیت و الس ءِ مون تروک ویل آتیان معلومدارکرے۔

(اے پی پی)