بنجا و بلوچستان نا حکومت آک الس کن عذاب جوڑ مسنو، اپوزیشن

صوبائی حکومت کورونا نا بابت داسکان سنجیدہ اف، ملک سکندر، نواب رئیسانی، ملک نصیر و ایلوفتا صحافی تتون ہیت وگپ

0

Get real time updates directly on you device, subscribe now.

کوئٹہ :  بلوچستان اسمبلی ٹی اپوزیشن جماعت آتا راہشونک پارینو کہ بدبختی اٹ بنجا و بلوچستان حکومت الس کن عذاب اس جوڑ مسنے‘ حکومت بلوچستان الس نا پن ءِ گوہانے‘ دا حالیت آتے ٹی حکومت کننگ نا ہچ تُک جوڑ مفک‘ کورونا دَین دا وخت آ جہانی دَین اس جوڑ مسنے‘ بلوچستان اٹ ہرا وڑ کورونا ٹیسٹنگ مننگ اٹی ءِ دا 5سال اسکان چلینگک‘ صوبائی حکومت داسہ ہم غیر سنجیدہ خننگ انگ ءِ‘ بلوچستان عوامی پارٹی نا ناراض باسک آتیکن اپوزیشن نا درگہ ملوک ءِ‘ اسہ ایجنڈا نارد اٹ ہندن ءُ حکومت جوڑ کننگانے‘ نن اِرا وار اسمبلی نا ریکوزیشن دیوان کن درخواست جمع کرفین ولے کورونا نا سوب آن اینو اسکان اسمبلی نا اسہ دیوان اس ہم مننگ کتو۔ دا خیال آتا درشانی ءِ جمعیت علماءاسلام نا راہشون وبلوچستان اسمبلی ٹی اپوزیشن لیڈر ملک سکندر ایڈووکیٹ، آجو اومیتدار چیف آف ساراوان نواب اسلم خان رئیسانی، بلوچستان نیشنل پارٹی نا پارلیمانی لیڈر ملک نصیر شاہوانی، جمعیت علماءاسلام نا اسمبلی نا باسک سید فضل آغا، عبدالواحد صدیقی، حاجی نواز کاکڑ، بلوچستان نیشنل پارٹی نا اسمبلی ناباسک ثناءبلوچ، اختر حسین لانگو و احمد نواز بلوچ اسک بلوچستان اسمبلی ٹی صحافی تتون ہیت وگپ کرسا کریر۔ اپوزیشن جماعت آتا راہشونک پاریر کہ بدبختی اٹ بنجائی و صوبائی حکومت آک دا وخت آ الس کن عذاب جوڑ مسنو‘ رزاک آ اسہ ایجنڈا سے نا رد اٹ الس آ دا وڑ انا حکمران بیٹ کننگانے‘ صوبہ ٹی دا وخت آ اسہ جاگہ اس ہم کاریم مفننگ ءِ‘ اگہ جاگہ اس کاریم ہم مننگ ءِ تو او ہم انفرادی وڑ اٹ مننگ اٹی ءِ‘السی نمائندہ غاتے اسُل گوجالسا پیشن نابندغ آتے السی خذمت نا کاریم تے تننگانے ہرانا سوب آن او سہی کاریم کپننگ اٹی ءُ۔ او پاریر کہ بنجا ٹی وزیراعظم و اونا وزیرک وخت اس کہ صوبہ ٹی وزیراعلیٰ و اونا وزیرک اسہ پیج آ خننگپسہ ہرانا سوب آن ملک ءِ نسخان مننگ اٹی ءِ و دانا نسخان ناباریم الس آ تمنگ اٹی ءِ۔ اوپاریر کہ وزیراعلیٰ ناکنڈآن خصوصی کمکار آتے نن اولیکو دے آن مسترد کریسن انتئے کہ اوفتا تقرری غیر کانودی ئس ہراڑکن نن ہائیکورٹ نا منت ءِ ہرفنہ ہراڑے ننا موقف کٹا‘ نن پبلک اکاﺅنٹس کمیٹی آن خواست کینہ کہ داڑان مروک نسخان تے پورو کننگے۔

(آن لائن)

Get real time updates directly on you device, subscribe now.

Leave A Reply

Your email address will not be published.