صوبہ ٹی کورونالوکل ٹرانسمیشن نا سوب آن ترند تالان مننگ ءِ، لیاقت شاہوانی

کوئٹہ : حکومت بلوچستان نا ترجمان لیاقت شاہوانی پارینے کہ صوبہ ٹی کورونالوکل ٹرانسمیشن ناکمک اٹ ترندی اٹ تالان مننگ ءِ و نن کورونانا بابت اسہ گڑتی سے ناحالیت اسے ٹی پترینگانن، بلوچستان اٹی داوخت اسکان کورونا نا کیس آتا کچ 277 مسنے، بنجانا کنڈآن کٹ آتا فراوانی نا چرجوئی برجاءِ نن بنجا غان پین وی ٹی ایم فراوان کننگ نا خواست کرینن تدوک آ دے آن صوبائی دارالحکومت کوئٹہ نا چندی علاقہ غاتے ٹی رینڈس ٹیسٹ انا بناءِ کننگانے وخت اس کہ صوبہ نا 4ڈویژن اٹی ایمرجنسی نا وڑاٹ لیبارٹری جوڑ کننگ انگ ءِ۔ داخیال آتا درشانی ءِ او پریس بریفنگ اٹی کرے ترجمان حکومت بلوچستان پارے کہ تدوک آ دے صوبائی حکومت طے کرینے کہ لاک ڈاون اٹی 30اپریل اسکان ودکی کننگے ولے پوریاگر آک زور شاغنگ ءُ کہ لاک ڈاون ءِ چٹفنگے پوریاگر برادری آتے حالیت آتا خرابی نا احساس ءِ کروئی تمک۔

(اے پی پی)