چمن اٹی ہم ایمرجنسی احساس ولشت پروگرام نا نا بنا
Get real time updates directly on you device, subscribe now.
کوئٹہ: سیمی شار چمن اٹی ہم وزیراعظم پاکستان عمران خان ایمرجنسی احساس ولشت پروگرام نا رداٹ حقدار آتے ٹی کمکی پیسہ غاتا بشخنگ نا بناءِ کننگانے ملک انا ایلو شار تیانبار چمن اٹی ہم ایمرجنسی احساس ولشت پروگرام نا رداٹ پیسہ غاتا بشخنگ نا چرجوئی بناکرینے چمن نا چندی ہند آتیا مسہ سینٹر جوڑ کننگانے و غٹ سینٹر آتیا سخت سیکورٹی نا بست وبند کننگانے تانکہ ہچ ءُ بدنظمی اس مف راجی فاصلہ غاتاہم خیال ءِ تخنگ انگ ءِ کمکی پیسہ غاتے مسہ مرحلہ غاتے ٹی بشخنگک اولیکو مرحلہ ٹی بے نظیر انکم سپورٹ پروگرام اٹی رجسٹرڈ بندغ آک اوار مریرہ وخت اس کہ ارٹ میکو مرحلہ ٹی موبائل میسج کروک آ و مسٹ میکو وآخیریکو مرحلہ ٹی ڈپٹی کمشنر آتا حقدار بندغ آتے اوار کننگک ایمرجنسی احساس ولشت پروگرام نا فوکل پرسن نا رداٹ چمن شار اٹی 4ہزار آن زیات حقدار بندغ آک دا آسراتی آن فائدہ ہرفنگ کیرہ۔
(اے پی پی)