مستونگ اٹ کورونا نا کیس اس رپورٹ مس
Get real time updates directly on you device, subscribe now.
کوئٹہ : ڈپٹی کمشنر مستونگ محبوب احمد اچکزئی پارینے کہ مستونگ اٹ کورونا نا کیس اس رپورٹ مسنے‘ لیویز فورس محلہ زرخیلان اٹ خاص انگا ایریا ءِ سیل کرینے‘ زہمی بندغ نا خاہوت ءِ اُراٹی آئسولیٹ کننگانے۔ دا خیال آتا درشانی ءِ او صحافی تتون ہیت وگپ کرسا کرے۔ اوپارے کہ حیدرآباد نا ایس ڈی او وقاص ترین کورونا نا زہمی مسنے‘ کورونا دَین نا زہمی وقاص ترین ءِ شیخ زاید ہسپتال آ گدریفنگانے‘ زہمی بندغ 3 اپریل آ تینا اُرا محلہ زرخیلان آ سر مسوسس‘ ایس ڈی او وقاص ترین نا طب انا خراب مننگ آ 12اپریل آ ٹیسٹ ءِ شیخ زاید ہسپتال آ راہی کننگا ہراکہ مثبت بس‘ انتظامیہ محلہ زرخیلان اٹ خاص انگاعلاقہ ءِ سیل کرینے‘ ڈسٹرکٹ پولیس آفیسر اسسٹنٹ کمشنر تون اوار ایلو کارندہ غاک ہموڑے ساڑی ءُ‘ ایس ڈی او نا خاہوت نا غٹ بندغ آتا نمونہ غاتے ٹیسٹ اکن کوئٹہ غا راہی کننگانے‘ وقاص ترین نا خاہوت ءِ اُراٹی آئیسولیٹ کننگانے۔
(آن لائن)