رکھی گام گیج آتیا عمل وائرس نا ترندی ءِ تورے، صدر عارف علوی

اسلام آباد : صدر مملکت ڈاکٹر عارف علوی پارینے کہ کوروناوائرس نا بابت حکومت جزوی لاک ڈاون اٹ ہراکمتی نا فیصلہءِ کرینے اوتینا جاگہ غا اہم ءِ ولے الس کوروناوائرس آن بچنگ کن رکھی گام گیج تیا عمل ءِ برجاتخر۔ ٹویٹر آ تینا اسہ ویڈیو کلہو اسے ٹی اوپارے کہ خلقت وائرس آن بچنگ کن راجی فاصلہ غاتون اوار رکھی گام گیج تیا گچین وڑاٹ عمل کرینو ہراناسوب آن پاکستان اٹی کوروناوائرس نا ترندی کم ءِ۔ اوپارے کہ دا سرسہبی ءِ برجاتخنگ نا گرجءِ ہرا کروناوائرس نا بابت حکومت جزوی لاک ڈاون اٹی گڑاس کمتی کننگ نا فیصلہ ءِ کرینے او تینا جاگہ غا اہم ءِ ولے ہرا رکھی گام گیج تیا الس عمل کننگ ءِ اوفتے ٹی کمتی اتپس۔

(اے پی پی)