زمان پارک اٹی پولیس آپریشن ءِ توننگ نا پرمان اٹی اسہ دے انا ودکی
وخت اس لاہور ہائی کورٹ آبریسہ وخت اس اسلام آباد ہائی کورٹ آ کاسہ، نے سما اف کہ ہرانگ ہنوئی ءِ،جسٹس طارق سلیم
Get real time updates directly on you device, subscribe now.
لاہور : لاہور ہائی کورٹ لاہور نا علاقہ زمان پارک اٹی پولیس آپریشن ءِ توننگ نا پرمان اٹی اسہ دے انا ودکی کرسا سماعت ءِ اینو جمعہ نا سہب اتون یانزدہ بجہ اسکان پدبٹے۔ عدالت فریق آتا وکیل آتے نوٹس جاری کرسا دُوارہ بٹنگا۔ جسٹس طارق سلیم شیخ چوہدری فواد حسین، ایڈووکیٹ سلمان فیصل نا دائر درخواست آتیا سماعت کرے۔ درخواست آتیٹی چیف سیکرٹری، آئی جی پنجاب، ڈی آئی جی آپریشنز اسلام آباد تون اوار ایلو پولیس آفیسر آتے فریق کننگانے۔ پنچ شنبے نادے آ سماعت آ عدالتی پرمان آ آئی جی پنجاب پولیس ڈاکٹر عثمان انور، ایڈووکیٹ جنرل پنجاب شان گل تون اوار ایلوکمامدارآک پیش مسر۔ سماعت اٹی جسٹس طارق سلیم پارے کہ غٹ کانود اٹی ءُ، ہڑتوم آ کنڈآتیان کس اس کانود ءِ خوانپک، ایلو ہیت کرسا کیرہ، ہڑتوم آ کنڈآن سسٹم ءِ جام کرینو، ایشو وارنٹ نا ءِ ولے وخت اس نی لاہور ہائی کورٹ آبریسہ ووخت اس اسلام آباد ہائی کورٹ آ کاسہ، نے سما اف کہ ہرانگ ہنوئی ءِ۔ سماعت اٹی چوہدری فواد حسین ہراتم کمرہ عدالت اٹی بس تو جج مکالمہ کرے کہ نی کانود آ عمل کپننگ اُس، مچ آ قوم ءِ خوار کرینرے، فواد چوہدری عدالت ءِ پارے کہ اگہ خان صاحب چارکورٹس اٹی پیش مس تو ایلوٹی پیش مننگ آن انت ویل مسکہ، عمران خان آ جلہو نا معلومداری 100 درسد کنفرم ئسک ہنداسوب آن ویڈیو آن حاضری نا پارے۔ داڑا عدالت پارے کہ سیکورٹی نا اسہ وڑوڈول اس ساڑی ءِ، نم تینے سسٹم نا تہہ ٹی اتبو۔
(اے پی پی)