اُلس نا ویل آتا ایسری کن پین کھلی کچہری اڈ تننگک‘ ڈی سی آواران

آواران: ڈسٹرکٹ آواران نا سب تحصیل گشکور اٹ وزیر اعلیٰ بلوچستان چیف سیکریٹری بلوچستان و کمشنر قلات ڈویژن نا پارت آ کھلی کچہری اس اڈ تننگا۔ کھلی کچہری ٹی اُلسی ویل آتا بننگ کن ڈپٹی کمشنر آواران جمعہ داد خان خاص وڑاٹ اوڑے سر مسوسس۔ وخت اس کہ ایلو افسرک ہم اُلسی ویل آتا ایسری و اوفتا ایسری کن کھلی کچہری ٹی بشخ ہلک۔ او وخت آ شاری تا بھلو کچ اس تینا ویل آتے بیان کننگ کن بسوسس۔ او جتا جتا ویل آتیا تینا درخواست آتے افسر تے پیش کرے۔ بھاز آ ویل آتے وخت آ ایسر کننگا کہ ایلو ویل آتا ایسری کن پام کرفے۔ ڈپٹی کمشنر آواران جمعہ داد خان نا پاننگ ئس کہ اُلس نا ویل آتا ایسری ءِ اولیت ایتک۔ وزیر اعلیٰ بلوچستان چیف سیکریٹری بلوچستان و کمشنر قلات ڈویژن نا پارت نا روشنائی ٹی اُلسی ویل آتے ایسر کننگ انگ ءِ۔ ڈسٹرکٹ آواران اٹ اسٹ آن زیات کھلی کچہری اڈ تننگک۔

(خ ن)