خاران شار سیکورٹی نظام ءِ بے مٹ کننگ ءِ اولیت تننگک، ثناء بلوچ

خاران : صوبائی اسمبلی نا باسک ثناء بلوچ خاران شار اتون اوار کیبی ٹی پدریسہ دُزی و داڑیلی نا واردات آ گپ وتران کرسا پارے کہ خاران شار و خاص وڑاٹ گواش ءِ ڈوہ آن پاک و سیکورٹی نظام ءِ بے مٹ کننگ ننا اولیت آتیٹی اوار ءِ۔ دا رد اٹ مصلحت آتا گواچی مننگ نا ہچ گرج اف۔ کسبی ڈوہدار و کانود ءِ لتاڑوک آ بندغ آک مچ آ راج انا دشمن ءُُ او ہچ ءُُ رعایت اسے نا حقدار افس، صوبائی اسمبلی نا باسک ثناء بلوچ مستی پارے کہ دا رد اٹ ننا ڈی آئی جی ڈپٹی کمشنر و ایس پی خاران تون ہم ہیت مسنے و اوفتے پارت کرینن کہ او ڈوہدار آتا توننگ کن علاقائی متبر و کیبی آن تعلق تخوک آ الس نا جرگہ اس بٹنگر ہراٹی الس ءِ ڈوہ انا توننگ کن کڑد ادا کننگ و ہروڑنا غیرکانودی کاریم اٹ اوار بندغ آتا پیدواری ءِ کننگ تون ہی پیشن آن بروک آ مخلوق آ نظر تخر، انتئے کہ الس نا کمک آن بیدس امن و ایمنی نا گچینی ممکن اف، اوپارے کہ گواش تون اوار شار انا چندی علاقہ غاتیٹی دُزی و داڑیلی تون اوار ایلو گندہ انگا ڈوہ اٹی اوار بندغ آتا برخلاف سخت کانودی کارروائی کننگے۔

(اے پی پی)