پاکستان چیسٹ سوسائٹی بلوچستان نا کنڈ آن ورلڈ ٹی بی ڈے نا رد اٹ دود
Get real time updates directly on you device, subscribe now.
کوئٹہ : پاکستان چیسٹ سوسائٹی بلوچستان نا کنڈآن (WORLD TB-DAY) ورلڈ ٹی بی ڈے نا بابت اٹ فاطمہ جناح انسٹیٹیو ٹ آف چیسٹ ڈیزیز (FJICD) اٹ اسہ سیمینار و اوکان پد اسہ معلومداری مہم اس اڈ تننگا۔ سیمینار اٹ سینئر و جونیئر ڈاکٹر، لیڈی ڈاکٹر نرسنگ سٹاف پیرا میڈیکل سٹاف و پوسٹ گر یجو ئیٹ سٹوڈنٹس آتا بھلو کچ اس بشخ ہلک۔ سیمینار نا باقاعد ہ بنا تلاوت کلام پاک آن مس۔ پاکستان چیسٹ سو سائٹی نا صدر سینئر پلمو نولوجسٹ اسسٹنٹ پروفیسر ڈاکٹر مقبول احمد لانگو بشخندار آتے بخیر اٹ کرے و اوفتا بننگ نا منتواری ءِ ہرفے۔ سوسائٹی نا صوبائی صدر سنیئر چیسٹ فزیشن ڈاکٹر محمود احمد شا ہوانی سٹیج سیکرٹری نا فرض آتے پورو کرے۔ کل آن مست سوسائٹی نا صوبائی صدر اسسٹنٹ پروفیسر ڈاکٹر مقبول احمد لانگو ٹی بی نا درستی و چیلنج آتون مون تننگ آن بھلو اہم ءُ پریزنٹیشن اس تس و بھاز آ پوسکن آ پٹ وپول آتا بابت اٹ بشخندار آتے ناجوڑی نا بابت اٹ پوسکن ءُ پٹ وپول و پوسکن آ وڑ و ڈول آن معلومدار کرے۔ اوکان گڈ سنیئر پلمونولوجسٹ ڈاکٹر فوزیہ رضا جوائنٹ سیکرٹری پاکستان چیسٹ سوسائٹی بلوچستان چیپٹر ٹی بی نا مینجمنٹ نا بابت اٹ پوسکن و اپ ڈیٹ علاج نا بابت اٹ پریزینٹیشن تس و اہم انگا ٹک آتون بشخندار آتے معلومدار کرے۔
(خ ن)