گرانفروشی آتا برخلاف سخت کارروائی کننگک‘ڈی سی جھل مگسی

جھل مگسی : تدوک آ دے ڈپٹی کمشنر جھل مگسی فلائیٹ لیفٹیننٹ (ر) یاسر حسین نا خاص ءُ پارت آ اسسٹنٹ کمشنر جھل مگسی رحمت اللہ شاہ جھل مگسی شار انا مین بازار نا جتاجتا دکان تا دورہ ءِ کرے۔ ہراٹی سو انا مارکیٹ، میڈیکل اسٹور، سیلون، ہوٹل و کریانہ نا دکانک اوار ءُ۔ دکان تیٹی ساڑی کن و خور نا گڑا و ایلو گڑاتا نہاد آتے چیک کرے و پرائس کنٹرول لسٹ نا پابندی کپننگ آ مسہ دوکاندار آتا برخلاف کارروائی کرسا اوفتے لاکپ اٹ بند کرے۔ ڈپٹی کمشنر جھل مگسی فلائیٹ لیفٹیننٹ (ر) یاسرحسین جاری کروک آ بیان اٹ پارینے کہ کانود آن ہچ اس اینک اف۔ گرانفروشی و تینٹ جوڑ کروک آ کبینی کروک آ واپار آتا برخلاف گرینڈ آپریشن کرسا سخت کارروائی کننگک۔ مستی او پارینے کہ مچ آ ضلع نا کل واپار آک پرائس لسٹ نا رداٹ کن خور نا گڑا و ایلو گڑاتا پک کروک آ نہاد آ بہا کیر۔ گرانفروشی آتا برخلاف سخت کارروائی کننگک‘ و اُلس آن خواست کرینے کہ گرانفروشی کروک آ واپار آتے پک کننگے تانکہ اوفتا برخلاف کارروائی کننگے۔

(خ ن)