پی ایس ایل سرسہبی نا کنڈ آ اناکہ کہ کرونا وائرس بس‘ عبدالرزاق

کراچی (مانیٹرنگ ڈیسک) مسکوہی آل راونڈر عبدالرزاق پارینے کہ پی ایس ایل سرسہبی نا کنڈ آ ہناکہ کہ کرونا وائرس بس ولدا ہم در ملکی گوازی گرک پی ایس ایل نا سرسہیب ٹی جوان ءُ کڑد اس ادا کریر۔ نیشنل اسٹیڈیم اٹ میڈیا تون ہیت وگپ کرسا دفاعی چمپئن کوئٹہ گلیڈیٹر نا بولنگ کوچ و مسکوہی آل راونڈر عبدالرزاق پارینے کہ پی ایس ایل فائیو اٹ نن تیناجاگہ غا سلنگ نا کوشست کینہ۔ تدوک آ دےکراچی کنگز نا برخلاف میچ اٹ سرسہبی کن گوازی گرک بھاز خواری کریر۔ در ملکی گوازی گرک پی ایس ایل نا سرسہبی ٹی اہم ءُ کڑد اس ادا کریر۔ پی سی بی جہانی کپ اکن کڑد ادا کریر تو پاکستان ءِ جوان فائدہ رسینگو۔ عبدالرزاق پارینے کہ پی ایس ایل سرسہبی نا کنڈ آ ہناکہ کہ کروناوائرس بس، جہانی کہول نا گوازی تے کن مقابلہ و ایلو اجتماع تے آ پابندی خلنگانے، پی ایس ایل فائیو اٹ کوئٹہ گلیڈی ایٹر نا خراب انگا کارکڑد ءِ سفر نا گیشتری تون گنڈنگ کننگ کپنہ۔ نن لیگ اٹ تینا جاگہ ءِ جوڑ کننگ نا کوشست کینہ۔