بندغ اٹ وائرس پک مسنے، کوئٹہ ٹی لاک ڈاﺅن نا گرج متنے، ضیاءلانگو

کوئٹہ(آن لائن)صوبائی وزیر داخلہ میر ضیاءاللہ لانگو پارینے کہ بلوچستان اٹ دا وخت اسکان 10 بندغ کرونا وائرس نا گواچی ءُ کوئٹہ شار ءِ لاک ڈاﺅن نا گرج اف۔ بنجائی و صوبائی حکومت آک کرونا وائرس تون مون تننگ کن گام گیج کننگ اٹی ءُ۔ بلوچستان حکومت کچ اٹ انگا وسیلہ غاتتون کرونا وائرس نا برخلاف جنگ کننگ اٹی ءِ۔ دا خیال آتا درشانی ءِ او میاں غنڈی ٹی جوڑ مروک آ کرنٹائن سینٹر نا دورہ نا وخت آ میڈیا تون ہیت وگپ کرسا کرے، وزیر داخلہ بلوچستان میر ضیاءاللہ لانگو پارینے کہ بلوچستان حکومت کچ اٹنگا وسیلہ غاتتون کروناوائرس تون مونگ تننگ کن وسیلہ غاتے خڑچ کننگ اٹی ءِ۔ اپوزیشن نا برانز نا تُک جوڑ مفک۔ اپوزیشن جماعت آک کرونا وائرس تون مون تننگ کن حکومت تون پورو وڑ اٹ کمک کیر تانکہ دا دَین ءِ چٹفنگ اٹ کمک رسینگے۔ او پارینے کہ کروناوائرس اسہ جہانی ءُ دَین اس جوڑ مسنے۔ ضیا لانگو پارینے نن کچ اٹ انگا وسیلہ غاتتون ہم گام گیج کننگ اٹی اُن۔ ملک اٹ کروناوائرس نا توننگ کن بنجائی و صوبائی کہول آ دیوان کننگ انگ ءِ۔ صوبائی حکومت تینا کل ءِ وسیلہ غاتے خڑچ کننگ اٹی ءِ۔ خواست ءِ کہ دا دَین ءِ توننگ اٹ اُلس ننتون کمک کے، کرنٹائن سینٹر اٹ باربی کیو ءِ خراب مون آ اتنگا، کرنٹائن اٹ ساڑی بندغ آتا ہوش ءِ چَپ کننگ کن بار بی کیو و بُدک بشخ و پانٹ کننگا۔ وزیراعظم ٹیسٹ کٹ آتا تننگ نا بابت اٹ ذموار آ بندغ آتے پارت کرینے۔ صوبہ ٹی دا وخت آ 10 بندغ کروناوائرس نا گواچی ءُ داسکان کن کوئٹہ ءِ لاک ڈاون کننگ نا گرج پیش بتنے۔