اٹلی ٹی کرونا وائرس آن 368 بندغ تپاخت‘ دنیا ٹی ناجوڑ آتا کچ یک و نیم لکھ

اسلام آباد ( آن لائن ) کررونا وائرس آن مچ آ دنیا ٹی زہمی آبندغ آتا کچ اگہ 153,000 اسکان سر مسنے ولے تدوک آ 24 گھنٹہ ٹی اٹلی و ایران ءِ بھاز زہمی کریر ہراڑے جتا جتا 368 و 113 بندغ تپاخت کرینو۔ داوڑ اٹلی ٹی ناجوڑ آتا کچ 25 ہزار اسکان سر مسنے وخت اس کہ کہوک آتا کچ 1809 مسنے۔ ایران اٹ ناجوڑ آتا کچ 14 ہزار آن گدرینگانے۔ ایلو کنڈآ اسپین اٹ کرونا وائرس نا کیس آتے ٹی بھاز زیاتی بسنے۔ او 2000 پوسکن ءُ ناجوڑ نا پک مننگ آن پد لاک ڈاو ¿ن نا پڑو کننگانے۔ مچ آ دنیا ٹی کررونا آن کہوک آتا کچ 5800 آن گدرینگا۔ فلپائنی دارلحکومت منیلا ہر وڑ نا ہننگ بننگ کن بند کننگانے۔ ہراڑے سوا کروڑ بندغ ءِ تُو اسسکان سفر کننگ آن توننگانے۔ فرانس اٹ اسہ دے اٹ 29 بندغ تپاخت کرینو ناجوڑ آتا کچ 5400 اسکان سر مسنے ولے تدوک آ 24 گھنٹہ ٹی فرانس اٹ کرونا نا 900 ناجوڑ مون آ بسنو۔ قطر اٹ سوئمنگ پول، جمنازیم، ریستوران و ہوٹل آتے بند کننگانے۔ حکومتِ قطر دا پڑو کرینے کہ اِرا ہفتہ اسکان ملک اٹ قطری تے بیدس پین کس اسے ہم بننگ نا موکل اف۔