سردار کھیتران نا فتح۔ 2میزائل نا سرسہب آزموندہ غا مبارک بادی

کوئٹہ، سردار عبدالرحمن کھیتران فتح۔2ودیک رینج میزائل نا سرسہب آزموندہ غا مچ آ قوم و پاکستان نا فوج ءِ مبارک بادی ترسا پارینے کہ دا سرسہبی پاکستان نا دفاعی لائخی، ساینسی شونداری او تکنیکی چاہنداری نا اسہ اہم درشانی اسے۔ او پارینے کہ پاکستانی سائنسدان و انجینئر آتا خواری، استخواہی و کسبی لائخی ستاکڑزک، ہرافتا سوب آن ملک دفاعی ٹیکنالوجی نا پِڑاٹی پیشرفت کننگ ءِ۔ سردار عبدالرحمن کھیتران پارینے کہ پوسکن آ دفاعی ٹیکنالوجی نا مون آ دننگ قومی سلامتی نا رکھ، ملکی وتواجہی نا سوگوی و دفاعی نظام ءِ پین گچین جوڑ کننگ اٹی اسہ اہم کڑد اس ادا کیک۔ او پارینے کہ فتح۔ 2میزائل نا سرسہب آزموندہ دفاعی بشخ اٹی تکنیکی چاہنداری وقومی ارادگی نا درشانی ءِ کیک۔ پاکستان نا دفاعی خود انحصاری وسائنسی پٹ وپول اٹی پیشرفت ملک انا رکھ آخبت کن اہمیت تخک۔ سردار عبدالرحمن کھیتران پاکستان نا فوج آتا خذمت آتا ستاءِ کرسا پارینے کہ ملک انا سلہہ بند فوج قومی سلامتی، ملکی وتواجہی وجغرافیائی سیم تا رکھ اکن قدر انا قابل کڑد ادا کننگ ءِ۔ اومستی پارے کہ پاکستانی قوم ءِ تینا سائنسدان، انجینئر ودفاعی ادارہ غاتا سرسہبی تیاگمر ءِ۔ پاکستان نا دفاع سوگو جوڑ کننگ وقومی سلامتی نا خواست آتے پورو کننگ کن پوسکنوڑ ٹیکنالوجی ٹیکنالوجی و سائنسی پٹ وپول نا مونی دننگ المی ءِ۔