وزیر داخلہ بلوچستان میر ضیاء لانگو نا قلعہ سیف اللہ اسکاؤٹس نا دورہ

مسلم باغ : وزیر داخلہ بلوچستان میر ضیاء اللہ لانگو قلعہ سیف اللہ اسکاؤٹس نا دورہ ءِ کرے وخت اس کہ وزیرداخلہ مسلم باغ اٹ ساڑی امن وایمنی نا حالیت نا جاچ ءِ ہم ہلک۔ داوخت آ ایڈیشنل چیف سیکرٹری داخلہ صالح محمد ناصر،کمشنر ژوب ڈویژن سعید احمد عمرانی و ایلو تعلقدار کمامدار آک ہم ساڑی ئسر۔ داوخت آ ایڈیشنل سیکرٹری داخلہ صالح محمد ناصر ساڑی حالیت آتا بارو اٹ وخت اس کہ کرنل محسن159 ونگ و لیفٹننٹ کرنل وقاص ناکنڈآن دہشتگرد آتا برخلاف آپریشن نا وخت آ کروک گام گیج تا بابت جم بریفنگ تننگا۔ وزیرداخلہ میر ضیاء اللہ لانگو پارے کہ ایف سی ہیڈکوارٹر آ دہشت گرد آتا جلہو نا مذمت ءِ کیوہ و دہشت گرد آتا برخلاف سرسہب کارروائی آ سکیورٹی فورس آتے خراج تحسین پیش کیوہ‘ ننا فورس آک تینا جان تا پرواہ ءِ کپرسا ہرا وڑ حالیت آتے کنٹرول کریر او مچ آقوم اکن گمر نا سوب ءُ۔ صوبائی وزیر داخلہ پارے کہ واقعہ نا بابت راستکی و دا رد اٹ کمکار آتے پٹنگ انگ ءِ‘ جلہو نا زموار ملک دشمن تے ہر حال اٹ کانود ناکٹہرے ٹی سلفنہ۔ وزیرداخلہ میر ضیاء اللہ لانگو پارے کہ دہشت گردی نا ناسور ءِ ماس کش کننگ کن مچ آ ریاستی قوت و اسیجائی اٹ کاریم کروئی مریک۔دہشت گرد آک اسہ وار ولدا بلوچستان ءِ شست کرینو‘ لغوری آ کارروائی تیان پولیس و کانود نافذ کروک ادارہ غاتا ارادہ و عزم ءِ نزور کننگ مفک‘ مچ آ قوم تینا سکیورٹی ادارہ غاتتون سلوک ءِ۔ وزیرداخلہ نا رد اٹ ننا نیاڑی و چناک دہشت گردی تون بہادری اٹ مون ترسا اودے چٹفینو ہرا دا ہیت انا شاہدی ءِ کہ امن ا دشمن و اوفتا لغوری آ ارادہ غاک ننا سوگو آ ارادہ و عزم ءِ نزور کننگ کپسہ۔ وزیرداخلہ پارے کہ حکومت نا رٹ ءِ چیلنج کروک آ دہشت گرد آتے عبرت نا نشان جوڑ کننگک۔۔ وزیرداخلہ دا وخت آ پارے کہ جلہو تے بے سہب کروک سکیورٹی فورس آتا ورنا‘ بہادر آ ہندی بندغ آتے صوبائی حکومت ناکنڈآن سفتی سَند تننگک۔

(خ ن)