عمران خان نا بیان اونا ڈوہ ءِ پک کرینے‘ مریم اورنگزیب
اسلام آباد : حوالکاری وشینکاری نا بنجائی وزیر مریم اورنگزیب پارینے کہ مسکوہی وزیرِاعظم عمران خان نا بیان اونا ڈوہ ءِ پک کرینے‘ تینا بیان اٹ مریم اورنگزیب عمران خان ءِ پارینے کہ نے دہشت گردی نا اسُل ہمو وڑ سما الو دُنکہ عدت اٹ برام کننگ و ٹیریان نا باوہ مننگ ناسما اف۔ مریم اورنگزیب پارے کہ شہیدو غازی تا یاتگار آتا بے حرمتی نا پد اٹ نی و نا ڈٹ بندی ءِ‘ ای کیہی وا پاریس کہ اگہ ای دزگیر مسٹ تو جلہو کروئی ءِ۔ او پارے کہ پاکستان نا کل آن بھلا دہشت گرد ملک آ جلہو کیک ہرافتا ماسٹر مائنڈ نی اُس‘ نا ملک دشمنی، دہشت گردی و سلہہ بند ٹولیک بے پردہ مسنو۔ ن لیگ نا راہشون مستی پارے کہ کنا گھڑی کنا مرضی آخا دا قوم انا 60 ارب روپئی ءُ و داٹی مرضی چلینگپک‘ نی ونا زئیفہ القادر ٹرسٹ اٹ 458 و 254 کنال ڈغار کیدارے۔ فارن فنڈنگ آنبار فارن ایجنٹ و اونا ایجنڈا ہم پورو وڑ اٹ بے پردہ مسنے۔
(آن لائن)