کراچی ٹی سم کاری‘ 2 نیاڑی تون اوار پنچ بندغ زوال

کراچی : قائد نا شار اٹ منہ گھنٹہ ٹی سم کاری نا واقعہ غاتے ٹی 2 نیاڑی تون اوار پنچ بندغ زوال مسر۔کراچی ٹی ننکان منہ گھنٹہ ٹی جتا جتا علاقہ غاتے ٹی سم کاری نا واقعہ غان مسر‘ ہرافتے ٹی 2 نیاڑی تون اوار پنچ بندغ زوال مسر‘ سم کای نا واقعہ غاک ملیر، سرجانی ٹاؤن، ڈیفنس و بلدیہ ٹاؤن اٹ مسر۔ ملیر سعودآباد اٹ برام نا دود اٹ سم کاری آن اسہ بندغ اس زوال مس وخت اس کہ گلشن سرجانی ٹی پٹرول پمپ ناخڑک آ کار آسم کاری آن 2 بندغ زوال مسر۔ ڈیفنس فیز 6 انا اسہ اُرا سے ٹی پاننگوک اتفاقیہ سم چلینگ انگ آن نیاڑی اس زوال مس۔ وخت اس کہ بلدیہ ٹاؤن نا علاقہ گلشن غازی ناخڑک آ اُراٹی سم کاری آن نیاڑی اس زوال مس‘ پویلس نا رد اٹ نیاڑی ءِ اونا خاسپر کسفے و واردات آن پد نرا۔

(آن لائن)