چاغی ءِ شوندار ءُ ضلع اس جوڑ کننگ خوانہ، اعجاز سنجرانی

چاغی: وزیر اعلیٰ بلوچستان نا کوآرڈنیٹر میراعجازخان سنجرانی نا مچ آ ضلع نا دورہ، میر اعجاز خان سنجرانی ضلع چاغی تحصیل دالبندین، چاگئے، نوکنڈی، تفتان نا تفصیلی دورہ اس کرے۔ جتا جتا بندغ آتا کزیت آ اوفتا اُرا غا ہنسا خاہوت تون ہڑزخواہی ہم کرے۔ دالبندین،نوکنڈی،تفتان،چاگئے نا قبائلی کماش آک، خان پینل نا راہشونک بلوچستان عوامی پارٹی نا کمامدار ورکر و لس شاری تون اوڑدہی کرے و اُلس نا ویل آتے بنگر و اوفتے ایسر کرفنگ نا ہر ممکن کوشست نا پارت ہم کرے۔ باپ پارٹی نا بنجائی راہشون کوآرڈینیٹر وزیر اعلیٰ بلوچستان میر اعجاز خان سنجرانی اوڑدہی کروک آتون ہیت وگپ کرسا پارینے کہ نن ضلع چاغی ءِ اسہ شوندار ءُ ضلع اس جوڑ کننگ خواہک۔ ضلع نا ہرا پدی تمننگ ءِ اونا ایسری ننا مشن ءِ نن بیدس فرق آن اُلسی خدمت آ پام تخنہ۔ جانجوڑی، تعلیم، آبنوشی، ہن و بر نا کاریمک، بیروزگار ورنا تے روزگار تننگ نا منشور ءِ۔ سیاست اٹ قدم تخنگ نا کنا مسخت ضلع نا اُلس ءِ اسہ شوندار ءُ زند اس تننگ ءِ تانکہ چاغی اُلس بنداوی گرج آتیان ہراوڑ زہمی ءِ دافتے پورو کننگک۔ اینو ضلع چاغی نا اُلس جوان وڑاٹ ننا کارواں اٹ اوار مننگ اٹی ءُ دا ننا سیاست نا بنداو ءِ ننا کوشست ءِ نن اُلسی اعتماد ءِ ہچ ءُ حال اسے ٹی زہمی مننگ کن ہلیپنہ۔

(آن لائن)