جانجوڑی نا آسراتی تے اولیت تننگ اُن، سید احسان شاہ

کوئٹہ : صوبائی وزیر جانجوڑی سید احسان شاہ پارینے کہ صوبائی حکومت صوبہ ٹی صحت عامہ نا آسراتی تا فراوانی ءِ اولیت تننگ اٹی ءِ۔ دا بابت اٹ صوبائی حکومت تینا کمامدار آتیان بیدس جانجوڑی نا بشخ اتون گنڈوک غیر سرکاری ادارہ غاتے کمک فراوان کننگ اٹی ءِ تانکہ صوبہ نا شاریک و خلقی علاقہ غاتا اُلس ءِ زوت اس وایمرجنسی بنداو آ طبی آسراتی دوئی مرے۔ دا خیال آتا درشانی ءِ او بی ایچ سی آئی پی ءِ ساڑی طبی آسراتی تیان ایمبولینس آتا فراوانی نا وخت آ تینا خیال آتا درشانی ءِ کرسا کرے۔ دا ایمبولینس آتا فراوانی محکمہ جانجوڑی نا ایلو ادارہ غاک ہم کمک کننگ اٹی ءُ۔ تانکہ اُلس ءِ کسر تیا شکست و نوکاپ و ایلو قدرتی آفت آتیٹی غیر معمولی حالیت پیش بننگ نا حالیت اٹ ایمبولینس نا آراتی نا آسراتی صوبہ نا کل علاقہ غاتیٹی دوئی مرے دانا کمک اٹ ناجوڑ آتے وخت آ بنائی طبی کمک و ہسپتال آتسکان زوت اس سر کننگے۔

(خ ن)