بلوچستان نا 18 ضلع ٹی ہفت دے ئی پولیو تور مہم 15 مئی آن بنا کیک

کوئٹہ : امیر جماعت اسلامی بلوچستان مولانا عبدالحق ہاشمی پارینے کہ ورناک تعلیم نا کمک اٹ بلوچستان اٹ شونداری اتیرہ۔ سازش نا رداٹ اہل بلوچستان ءِ تعلیم و وسیلہ و شونداری تیان زہمی کننگ انگ ءِ اُلس بلاشعور مس انشاء اللہ حق آتے ہلینہ۔ بلوچستان نا وسیلہ غاتیان لٹیرے،بدعنوان آباد وخت اس کہ اُلس بدحال و ارا وخت انا ارغ کن فریشان ءِ۔ مولانا ہدایت الرحمان مظلوم تا توانا آواز بدقسمتی اٹ مقتدرقوت و دز آتا سازش آتا گواچنی ءِ۔ انشاء اللہ مولانا بھاز زوت یلہ و حق آتا جہد انا کماشی ءِ کیک۔ جماعت اسلامی نا برانز و دھرنا کل مولانا ہدایت الرحمان بلوچ نا سلاہ آن مسر و مریرہ۔ سپریم کورٹ احاطہ عدالت آن سٹی ءُ مقدمہ اسے ٹی چار تو آن بند مولانا ہدایت الرحمان بلوچ ءِ زوت اس یلہ کرسا سٹی آ مقدمہ غاتے چٹفر۔ پشتون بیلٹ اٹ امن ایمنی انگا حالیت آتے خراب کننگ نا سازش مننگ اٹی ءِ۔

(آن لائن)