ورناک تعلیم آ چکار کرسا بلوچستان نا محرومی تے کم کیر، مولانا ہاشمی

کوئٹہ: ایمر جنسی آپریشن سینٹر بلوچستان نا کوارڈینٹرسید زاہد شاہ پارینے کہ بلوچستان نا18 ضلع غاتا 393یونین کونسل آتیٹی ہفت دے ئی انسداد پولیو مہم15مئی آن بنا مریک۔ دا خیال آتا درشانی ءِ او تینا اسہ بیان اٹ کرے۔ او پارینے کہ ہفت دے ئی انسداد پولیو مہم اٹی پنچ سال اسکان نا وہی انا 12 لکھ62ہزار نا کچ اٹ چناتے پولیو آن بچفنگ نا پڑی کننفنگ انگ ءِ۔ پولیو مہم ٹی 4ہزار 9سد 69 نا کچ اٹ ٹیمک چناتے پولیو نا پڑی بٹنگ اٹ لگوک ءُ۔ او پارینے کہ انسداد پولیو مہم دا ضلع غاتیٹی چاغی، دکی، قلعہ سیف اللہ، لورالائی، مستونگ، نوشکی، ژوب، بارکھان، ڈیرہ بگٹی، حب، جعفرآباد، نصیرآباد، موسی خیل،شیرانی، صحبت پور، پشین، چمن و قلعہ عبداللہ اٹ بنا مریک۔ ایمر جنسی آپریشن سینٹر بلوچستان نا کوارڈینٹرسید زائد شاہ پارینے کہ مہم اٹی کل کمامدار آتے فول پروف سیکورٹی تننگک۔ ہراڑا بلوچستان لیویز، پولیس و ایف سی نا ورنا تعینات مریرہ۔ پولیو وائرس دا چناتے تینا نشانہ جوڑ کیک۔ ہرا پولیو آن بچفنگ نا پڑی کننگ آن زہمی مریرہ۔

(آن لائن)