نیٹ ورک مفننگ آن کیشنگی، ڈاک انام بوستان پورو و یوسی مل و احمد وال نا الس حکومتی کمک آن محروم ءِ‘غلام دستگیربادینی

0

Get real time updates directly on you device, subscribe now.

نوشکے : مسکوہی صوبائی وزیر بلوچستان عوامی پارٹی نا بنجائی راہشون حاجی میر غلام دستگیر بادینی پارینے کہ احساس ایمرجنسی کیش پروگرام شاری و موبائل نیٹ ورک تون گنڈوک علاقہ غاتسکان ءِ وخت اس کہ نوشکے نا پدتموک علاقہ کیشنگی، ڈاک انام بوستان پورو و یوسی مل و احمد وال نا کیہی کلی تا الس موبائل نیٹ ورک مفننگ ناسوب آن حکومتی کمک آن محروم ءِ۔ او پارے کہ نوشکے نا مر انگا علاقہ غاتا الس لاک ڈاﺅن نا سوب آن کیہی ہفتہ غاتیان شار آن کاٹ ءِ‘ ہراڑے کن وخور نا گڑاتا تنکی ودی مسنے‘ لوکل ٹرانسپورٹ غریب آتا ہن وبر نا اسٹ انگا وڑ ءِ ہراکہ کورونا ناسوب آن بند ءِ۔ مواصلاتی رابطہ مفننگ ناسوب آن مر انگا علاقہ غاتے ٹی رہینگوک بندغ آتا فریاد ہم بڑزکو کمامدار آتسکان سر مفننگ ءِ و ہندا علاقہ غاتے ٹی میڈیا ہم سر مفک۔ اوپارے کہ بنجائی حکومت احساس ایمرجنسی کیش پروگرام اٹ ہمو علاقہ غاتے ہم اولیتی بنداو آ اوار کے ہراڑے داسکان موبائل نیٹ ورک نا آسودہی سر متنے۔

(تلار حوالکار)

Get real time updates directly on you device, subscribe now.

Leave A Reply

Your email address will not be published.