حکومت بلوچستان نا زمیندار آتیکن کشاری پیکیج ناپڑو کے‘میراحمد دہوار
Get real time updates directly on you device, subscribe now.
قلات : بلوچستان ایگریکلچر فورم نا صدر ارباب میر احمددہوار پارینے کہ حکومت بلوچستان نا زمیندار آتیکن کشاری پیکیج ناپڑو کرسا زمیندار آتے ریلیف فراوان کے‘ زمیندارآتا بینک آتا وام‘ کیسکو نابل و ایلو یوٹیلیٹی بل آتے بشخنگے‘ کورونا نا سوب آن لاک ڈاﺅن آن زمیندار آک ہم بھاز زہمی مسنو‘ دا خیال آتا درشانی ءِ او تینا جاری کروک بیان اٹ کرے۔او پارے کہ کورونا نا سوب آن مچ آ ملک اٹ لاک ڈاﺅن ناسوب آن زمیندار آک تیناکشاری گڑاتے ملک انا منڈی تسکان سر کننگ کپننگ ءُ ہرانا سوب آن اوفتے بھاز نسخان مننگ اٹی ءِ و کیسکو نادو آن مشکل آتا گواچی زمیندار آتا ویل آک پین ودانو۔ او پارے کہ اگہ حکومت زمیندار آتے وخت آ ریلیف تتو تو زمیندار آتیکن کشت وکشار کننگ مشکل مریک۔
(تلار حوالکار)