حکومتی فیصلہ ءِ امنا کینہ‘رحیم کاکڑ‘دکان تے ملنہ‘اللہ داد ترین
Get real time updates directly on you device, subscribe now.
کوئٹہ : بلوچستان اٹ پوریاگر برادری اِرا پڑک اٹ بشخ مس‘ اسٹ اینو دکان تے ملنگ نا پڑو کرے‘ ایلو نیمہ دکان تے ملنگ نافیصلہ کرے۔حوال نارد اٹ انجمن تاجران نا صدر عبدالرحیم کاکڑ پارینے کہ وزیراعلیٰ بلوچستان جام کمال ناکنڈآن جوڑ کروک مذاکراتی کمیٹی ٹی نیمہ دکان تے ملنگ نا فیصلہ کننگانے‘اولیکو مرحلہ ٹی درزی، ہوٹل، ڈرائی فروٹ وپچ انا دکان تے ملنہ‘ ایلو دکان تے 19اپریل اسکان مرحلہ اٹ ملنگ نا فیصلہ کننگانے‘ نن کورونا نا توننگ اٹ حکومت بلوچستان تون تفوک ان۔ ایلو کنڈآ انجمن تاجران نا ترجمان اللہ داد ترین پارینے کہ دَرو وزیراعلیٰ ہاﺅس اٹ دیوان اڈ ہلک ہراٹی منہ دکان ملنگ نا موکل تننگانے ہراڑان نن است جم افن‘ لاک ڈاﺅن نا سوب آن ننے بھاز نسخان مسنے‘ ننا پوریاگر برادری نا دا فیصلہ غا گڑتیک اریر‘ نن سلاہ تسونن کہ غٹ دکان تے منہ گھنٹہ کن ملنگے نن پین دکان تے بند کننگ کپنہ اینو نن تینا غٹ دکان تے ملنہ۔
(آن لائن)