نن کن چنک بھلن کس اف، کانود آ عمل کننگ ءُ، آئی جی پنجاب

لاہور : آئی جی پنجاب عثمان انور پارینے کہ مخلوق ننے آ کل کاری کننگ ءِ و بیدہ خسنگ ءِ‘ پٹرول بمب اسکان ہم ننے آ خسنگ ءُ‘ باوہ لمہ غاتیان خواست ءِ کہ او تینا چناتے پُہہ کیر دا عدالتی ءُ عمل اسے۔ میڈیا تون ہیت وگپ کرسا آئی جی پنجاب پارے کہ اسلام آباد آن ڈی آئی جی عدالت نا کنڈآن عمران خان نا ضمانت مفروک دزگیری نا وارنٹ ءِ لاہور آ ایس۔ او عدالتی پرمان آ عملدرآمد کن لاہور پولیس آن کمک خواہس‘ انتئے کہ ننے سما ئس کہ ہموکان ردعمل بریک‘ ہندا سوب آن نن اوفتا کمک ءِ کرین و اوفتتون سَے سَد آن زیات بندغ راہی کرین‘ زمان پارک اٹ اونا ورندی ٹی مہالو آن حکمت عملی تیار ئس‘ ہمونگ ہنان و اوفتے پُہہ کننگ نا کوشست کننگا‘ اونا ورندی ٹی ہموکان پولیس آ خل کاری کننگا‘ لٹ وکٹ کننگا و پٹرول بمب خسنگا۔ رینجر نا گاڈی تیا ہم جلہو کننگا‘ داڑتون اوار سما تمانے کہ پی ٹی آئی نا کارندہ غاتا کنڈآن سم کاری ہم کننگانے‘ پولیس نا واٹر کینن ءِ خاخر ہم تننگا۔ آئی جی عثمان انور پارینے کہ ہر جاگہ غا بدتمیزی و سوشل میڈیا غا مخلوق ءِ پولیس آ جلہو کننگ کن پاننگ انگ ءِ‘ اوپارے کہ پولیس بیرہ دا باور کرفنگ خواہنگ اٹی ءِ کہ عدالت ہرا دزگیری نا وارنٹ ءِ جاری کرینے اوڑا عملدرآمد کرفنگے۔ نن دا ہم پانہ کہ چنکا بھلا کل اکن کانود اسٹ ءِ‘ نن بیرہ کانود آ عملدرآمد کرفنگ خوانہ‘ مخلوق ءِ خار تننگک و پولیس آجلہو کننگک تو پولیس ءِ ہم المی ایکشن ہلوئی تمک‘ او پارے کہ اسہ کودک ءُ بندغ اس شکست اٹ زوال مریک اگہ اودے ہم پولیس آ تخنگک تو داڑان پک مسنے کہ شکست اس ئس‘اونا اُرا والاک ہم پاننگ ءُ کہ شکست اس ئس‘ دادے مون آ تخسا نن سلہہ بند بندغ راہی کتون ہندا سوب آن مخلوق ننے آ خل کاری کننگ اٹی ءِ‘ لٹ تننگ اٹی ءِ بلکہ پٹرول بمب خسنگ اٹی ءِ۔ آئی جی پنجاب پارینے کہ باوہ لمہ غاتیان خواست کینہ کہ او تینا چناتے پُہہ کیر‘ دا عدالتی ءُ عمل اسے‘ ورناک ہم پُہہ مریر‘ اگہ کانودی نظام اٹ اڑاند جوڑ مسر تو کانود تینا کسر ءِ ہلیک۔

(آن لائن)