پولیو نا چٹفنگ کن اسیجائی حکمت عملی آ کاریم کننگ اُن، سوبان دشتی

لورالائی: ڈپٹی کمشنر لورالائی سوبان سلیم دشتی پارینے کہ پولیو نا ایسری کن اواری ٹی حکمتِ عملی کن ہر وڑ نا گام گیج کننگ انگ ءِ۔ تانکہ کل چناتسکان رکھوک آ پڑی تے آسانی اٹ سر کننگ و علاقہ غاتا نشانی کن پوسکن آ خواست آتیان معلومدار کننگ، المی اصلاح پنی کرفنگ و پروگرام اٹ جوانی اتنگ نا لائحہ عمل اس ہم طے کننگے تانکہ پولیو نا ایسری نا کسر اٹ مروک آ ہر سختی تون جوان مون تننگ کیر۔ دا خیال آتا درشانی ءِ او 03اپریل 2023ء آن بنا مروک آ انسداد پولیو مہم نا انتظام و ایلو ویل آتا بابت ڈی پیک نا دیوان نا کماشی ءِ کرسا کرے۔ او وخت آ ڈسٹرکٹ ہیلتھ آفیسر ڈاکٹر میاں ناصر شیخ،ڈیلیو ایچ او کوڈانیٹرڈاکٹر زکیہ نعمت اللہ، ایم ایس ڈاکٹر رشیدناصر ڈاکٹر محمد اشرف،این سٹاف ڈاکٹر عبدالحمید،ڈیلیو ایچ او کیعزت االلہ،فوکل پرسن مختار احمد،نشینل پروگرام و یونین کونسل نا سی ایم او و ایلو ادارہ غاتا افسر و نمائندہ غاک ساڑی ئسر۔ دیوان آن تران کرسا ڈپٹی کمشنر لورالائی سوبان سلیم دشتی مستی پارینے کہ ساڑی حالیت آتیٹی پولیو نا ایسری کن نیشنل ایمرجنسی ایکشن پلان آ عملدرآمد ءِ پک کننگ کن اواری ٹی کوشست نا گرج ءِ۔ ولدا ہم پک کننگ کن اواری ٹی کوشست نا گرج ءِ۔ ولدا ہم پاکستان اٹ پولیو وائرس نا توننگ نا خواہندار ءِ۔ او پارینے کہ پولیو نا توننگ نا پولیو وائرس نا تالانی ءِ کنٹرول کننگ جوان حکمت عملی نا کمک اٹ کیک۔ ہر علاقہ ٹی وائرس آتے زوت اس پٹنگ و زوت اس ایسری نا ہر ممکن کوشست کننگے۔ او پارینے کہ انسداد پولیو مہم اٹی شیڈول و کاریم اٹ جوانی اتنگے تانکہ کل چناتسکان رکھوک پڑی تے سر کننگے۔ او پارینے کہ پولیو مہم نا سرسہبی و جوانی کن پولیو نا ایسری کن کمیونیکیشن نا کاریم تے جوان کننگے۔

(خ ن)