روچہ مبارک نا تو اٹ اُلس ءِ ریلیف تننگ حکومت نا زمواری ءِ‘ طارق الرحمان بلوچ

خاران : کمشنر رخشان ڈویژن طارق الرحمٰن بلوچ پارینے کہ روچہ ٹی اُلس ءِ ریلیف تننگ حکومت نا زمواری ءِ۔ کن خور نا گڑاتا نہاد آتیٹی بریبری اتنگ المی ءِ۔ ذخیرہ اندوزی و منافع خوری نا کس اسے موکل تفنہ۔ کل ڈپٹی کمشنر و اسسٹنٹ کمشنرز روچہ ٹی کن خور تا گڑاتا نہاد و آب نا خاص ءُ جاچ اس ہلنگے۔ دا خیال آتا درشانی ءِ او رخشان ڈویڑن نا ہر چار آ ضلع غاتا ڈپٹی کمشنر و اسسٹنٹ کمشنر آتا ویڈیو لنک دیوان اٹ کرے۔ کمشنر رخشان پارینے کہ وزیر اعلیٰ بلوچستان و چیف سیکرٹری نا پارت ءُ کہ روچہ ٹی اُلس ءِ ریلیف تننگ کن کن خور نا نہاد آتیٹی استحکام اتنگے۔ کمشنر رخشان رخشان ڈویڑن نا ہر چار آ ضلع غاتا انتظامیہ افسر تے پارت کرے کہ اوفک مکمل الرٹ مریر، پرائس کنٹرول کمیٹی تے مکمل فعال کننگے۔ کن خور نا گڑاتا نہاد آتیٹی استحکام اتنگ تون اوار اُلس ءِ ریلیف فراوان کننگ کن رمضان ہڑزان بازار و یوٹیلیٹی اسٹور تیٹی کن خور نا گڑاتا بھلو کچ اسے ٹی دوئی مننگ ءِ پک کننگ کن خاص ءُ گام گیج کننگے۔

(خ ن)