خضدار بمب دھماکہ نا مذمت ءِ کینہ‘ میر محمد اجمل کرد
کوئٹہ : وزیر اعلیٰ بلوچستان نا کوآرڈینیٹر میر محمد اجمل کرد تدوک آ دے خصدار نا علاقہ ٹی بمب دھماکہ نا مذمت ءِ کرسا قیمتی آ جان تا زیان آاُست ہسونی نا درشانی ءِ کرینے۔ او تینا مذمتی بیان اسے ٹی پارینے کہ پاک فوج ایف سی، پولیس و سیکیورٹی ادارہ غاک صوبہ نا پرامن آ چاگڑد ءِ ہچ ءُ وڑ اسے ٹی خراب کننگ نا موکل تفنہ۔ خصدار واقعہ ٹی اختہ انگا بندغ آتون کانود نا رداٹ کارروائی کننگک۔ تینا کانود نافذ کروک آ ادارہ غاتیا بھروستہ و فخر ءِ۔ او پارینے کہ صوبہ ٹی امن و ایمنی نا بحالی کن کل وسیلہ غاتیان کاریم ہلنگک۔ انتئے کہ ننا فورس و اُلس نا قربانی تا سوب آن صوبہ ٹی امن بحال مسنے۔
(آن لائن)