بنگلور اٹی توہین رسالت نا واقعہ مسلمان تا جوزہ غاتے ٹھپی کرے، قریشی

0

Get real time updates directly on you device, subscribe now.

اسلام آباد (اے پی پی) وزیر خارجہ مخدوم شاہ محمود قریشی پارینے کہ بھارتی شار بنگلور اٹی توہین رسالت نا واقعہ مسلمان تا جوزہ غاتے ٹھپی کرینے، جہانی تنظیم آک دانا بایدے نوٹس ءِ ہلیر، بی جے پی حکومت سیکولر سٹیٹ ءِ جہہ جاگہ کرینے و داسہ بھارت اٹی اسہ ہندواسٹیٹ اس ودی مننگ ءِ۔ بھارت نا شار بنگلور اٹی مروک آ است ہسون واقعہ نا بابت پنچ شنبے نادے آ اسہ بیان اسے ٹی وزیر خارجہ پارے کہ توہین رسالت ننا دا واقعہ مسلمان تا جوزہ غاتے ٹھپی کرینے، داویڈیو ءِ بایدے مچ آ امت مسلمہ ہُرر۔ انڈیا ٹی اینو مسلمان اقلیت آک رکھ افس۔ مخدوم شاہ محمودقریشی پارے کہ مسیت ءِ شہید کرسا مندر جوڑ کننگ اسُل سہی اف۔ جوزہ غاتے ہم مسلمان تا ٹھپی کیرہ و شہید ہم مسلمانک مریرہ۔ وزیر خارجہ پارے کہ مسلمان تے دزگیر کننگا۔ وزیر خارجہ شاہ محمود قریشی پارے کہ ہیومین رائٹس واچ، ایمینیسٹی انٹرنیشنل و ایلو انسانی حق آتا جہانی تنظیمک بایدے دانا نوٹس ءِ ہلیر۔ اوپارے کہ سیکولر اسٹیٹ ءِ تو بھارت نا داحکومت جہہ جاگہ کرینے۔ اینو بھارت اٹی اسہ ہندو اسٹیٹ اس ودی مننگ ءِ۔ دا تہہ نا ویل اس اف دا انسانیت نا ویل ءِ۔ پاکستان ءِ حق دوئی ءِ کہ دا باندات ءِ چست کے، مخدوم شاہ محمود قریشی پارے کہ نن درو بھارتی ہائی کمیشن نا کمامدارآتون دا باندات ءِ ہرفین و پاکستان نا کنڈآن ردعمل نا درشانی ءِ کرین۔ نن ہر انٹرنیشنل فورم آ اسلاموفوبیا نا ویل ءِ ہرفنگ اُن۔ وزیر خارجہ پارے کہ وزیر اعظم عمران خان نا جنرل اسمبلی نا تدوک آ دیوان اٹی کروک آ تقریر اٹی ودوک آ اسلاموفوبیا نا ذکر ارے۔ جنرل اسمبلی نا پوسکن گچین مروک آ صدر نا مون آ ای دا معاملہ ءِ ہرفیٹ۔

Get real time updates directly on you device, subscribe now.

Leave A Reply

Your email address will not be published.