ٹی ٹی کیو نا کمک مسہ لکھ بندغ ءِ انفیکشن آن بچفنگا،اسد عمر

0

Get real time updates directly on you device, subscribe now.

لاہور (اے پی پی) بنجائی وزیر پلاننگ ڈویلپمنٹ ریفارمز و خصوصی گام گیج اسد عمر پارینے کہ بھلا عئید آ جانجوڑی نا اصول آتیا عمل کن شار تیان پیشن پڑی خلنگک، شار تا تہٹی ہچ ءُ پڑی سے نا موکل مفک، پڑی تا وخت و پاس سہب انا شش بجہ غان بیگہ نا ہفت بجہ اسکان مریک۔ ہندی انتظامہ دا ہیت ءِ پک کے کہ پڑی تیٹی پترینگوک مخلوق ءِ اسکریننگ، مسک و راجی رکھ ءِ پک کننگ و خاص انگا ہند آتیا خاص ءُ کچ اسے اسہ وخت آ موکل تننگے، تاکہ زیات مچی آن بچنگ مرے۔ چنکا عئید آنبار بھلا عئید انا نماز آک خواننگر۔ او وزیر اعلیٰ پنجاب سیکرٹریٹ لاہور اٹی این سی او سی نا دیوان نا کماشی ءِ کریکہ۔ دیوان اٹی وزیر اعلیٰ پنجاب عثمان بزدار، جانجوڑی وزیر ڈاکٹر یاسمین راشد، وزیر کانود پنجاب بشارت راجہ و ایلوفک ساڑی ئسر۔ صوبائی چیف سیکرٹریک ویڈیو لنک نا کمک اٹ ساڑی ئسر۔ دیوان اٹی بھلا عئید انا نماز خواننگ، پڑی تا بست و بند نا بابت سجفنگا۔ بنجائی وزیر پارے کہ پڑی تیٹی جوان بست و بند ناجوڑی تا مون ءِ توننگ کن المی ءِ، او پارے کہ خلقی علاقہ غاتا مخلوق نا شار تیٹی بننگ و ساہدار تا ہل/ و تِس آن پد پدی ہننگ کن بست و بند المی ءِ۔

Get real time updates directly on you device, subscribe now.

Leave A Reply

Your email address will not be published.