درینگڑھ نا شہید آتاقربانیک امن‘ شونداری وشونہالی نا دروشم اٹ بھرم ایترہ‘بی اے پی نوشکے
Get real time updates directly on you device, subscribe now.
نوشکے(تلار حوالکار) بلوچستان عوامی پارٹی نابنجائی خواست بی اے پی رخشان ڈویژن نا آرگنائزر میر اعجاز خان سنجرانی و بی اے پی نا بنجائی سینٹرل ایگزیکٹو کمیٹی ناباسک و ضلعی آرگنائزر مسکوہی صوبائی وزیر حاجی میرغلام دستگیر نا پارت آ شہید نوابزادہ میر سراج خان رئیسانی و شہدائے درینگڑھ نا کزیہ دے انا رد اٹ بلوچستان عوامی پارٹی نا ضلعی سیکرٹریٹ اٹ ہڑزخواہی دیوان اڈ ہلک‘ ہرانا کماشی ءِ بلوچستان عوامی پارٹی نا ضلعی ڈپٹی آرگنائزر میر سلیم دوست جمالدینی کرے‘ دیوان اٹ شہدائے درینگڑھ کن قرآن خوانی و دعا پاتیہ کننگا وشہید آتا درجہ غاتا بڑزی کن خیرات ہم کننگا۔ داوخت آ تران کرسا میر سلیم دوست جمالدینی‘ عبدالرشید بادینی و ماسٹر رشید مینگل اسک شہید نوابزادہ میر سراج خان رئیسانی وایلو شہید آتا قربانی تے خراج تحسین پیش کرسا پاریر کہ شہدائے درینگڑھ نا قربانیک بلوچستان اٹ امن‘ شونداری وشونہالی نا دروشم اٹ بھرم ایترہ۔ بی اے پی نا کارندہ غاک تینا صف تے ٹی سیوت ودی کرسا پارٹی سرکڑدہ غاتا کلہو و مشن ءِ ہر اُرا اسکان سر کیر۔