انگلینڈ‘ ویسٹ انڈیز ٹیسٹ آن پد آئی سی سی ورلڈ ٹیسٹ چمپئن شپ پوائنٹس ٹیبل ءِ جاری کرے

دبئی (مانیٹرنگ ڈیسک) انگلینڈ، ویسٹ انڈیز ٹیسٹ آن پد آئی سی سی ورلڈ ٹیسٹ چمپئن شپ پوائنٹس ٹیبل نا تازہ انگا حالیت، پاکستانی ٹیم ءِ خوشخبری بنفنگا، قومی کرکٹ ٹیم بیرہ 5 میچ آتے گوازی کرسا پنچمیکو پوزیشن آ مروک آ انگلش ٹیم بیرہ 6 پوائنٹ مونی ءِ، بھارت مالو آمبار اولیکو پوزیشن آ کوزہ کرینے۔ حوال نا رداٹ ویسٹ انڈیز نا ٹیم انگینڈ ءِ مسہ ٹیسٹ میچ آتا سیریز نا اولیکو میچ اٹ 4 وکٹ اٹ بے سہب کرسا آئی سی سی ورلڈ ٹیسٹ چمپئن شپ اٹ تینا کھاتہ ءِ ملا، میچ آن مست ویسٹ انڈیز بیدس پوائنٹ اسے آن ہشتمیکو نمبر آ ئس ولے انگلینڈ نا برخلاف ساؤتھمپٹن ٹیسٹ کٹنگ آن پد اودے 40 پوائنٹ دوئی مس ہرانا سوب آن ویسٹ انڈیز چمپئن سپ اٹ اولیکو میچ ءِ کٹا وخت اس کہ پوائنٹ ٹیبل آ اسہ گام اس شون ہم ہلک او داسہ پروٹیز ٹیم ءِ پدی السا پوائنٹس ٹیبل آ ہفتمیکو پوزیشن آ سر مسنے وخت اس کہ اونا انگلینڈ نا برخلاف داسہ اِرا ٹیسٹ میچ سلوک ءُ۔ بھارت نا کرکٹ ٹیم آئی سی سی ورلڈ ٹیسٹ چمپئن شپ رینکنگ نا رداٹ اولیکو نمبر آ سلوک ءِ، آسٹریلوی ٹیم ارٹمیکو وخت اس کہ نیوزی لینڈ نا ٹیم مسٹمیکو نمبر آ ساڑی ءِ۔ پاکستان نا ٹیم رینکنگ اٹ پنچمیکو نمبر آٹے۔  نیوزی لینڈ نا ٹیم کورونا وائرس آن مست مارچ انا تو اٹ آئی سی سی ورلڈ ٹیسٹ چمپئن شپ نا ٹیم بھارت ءِ ارا میچ آتا سیریز اٹ کلین سویپ کرسا مسہ گام مونی ہنا او ہندن کیوی ٹیم مسہ گام شون ہلنگ آن پد ششمیکو آن مسٹمیکو نمبرآ سرمس۔ کیویز ٹیم بھارت ءِ اولیکو میچ اٹ بے سہب کننگ آن پد اسہ گام اس شون ہلنگ آن پد ششمیکو نمبر آن پنچمیکو نمبر آ سر مسوسُس۔ پدریسہ اِرامیچ آتیٹی بے سہبی آن پد  او پین اِرا گام شون ہلک۔