دہشتگردی تور عدالت، عمران خان نا عبوری ضمانت اٹی چارمئی اسکان ودکی

0

Get real time updates directly on you device, subscribe now.

لاہور: لاہور نا انسداد دہشت گردی نا خصوصی عدالت پولیس تھانہ ریس کورس لاہور اٹی خاخر خلنگ‘ پولیس آ خل کاری و ظل شاہ خون کیس انا مسہ مقدمہ غاتیٹی تحریک انصاف نا چیئرمین عمران خان نا عبوری ضمانت اٹی چارمئی اسکان ودکی کرے۔ عدالت ویڈیو لنک حاضری نا درخواست آ بیرہ اسہ دے اکن ویڈیولنک آ پیشی نا موکل تس۔ داکان مست عدالت دائر درخواست آ فیصلہ ءِ ڈک کریسس۔ انسداد دہشت گردی نا خصوصی عدالت نا جج اعجاز احمدبٹر پنج شنبے نادے آ کیس انا سماعت ءِ کرے۔ سماعت اٹی عمران خان نا وکیل سلمان صفدر پیش مس وخت اس کہ عدالتی پرمان آ ڈپٹی پراسیکیوٹر جنرل عبدالجبار ڈوگر پیش مس۔ عدالت باور کرفے کہ جاست وپاست اٹ اوار مننگ نامطلب دا اف کہ اسہ بیان اس ریکارڈ کرفے تو چٹا، جاست وپاست اٹ اوار مننگ نا مطلب دادے کہ ہراتم پولیس بٹنگے پیش مننگ المی ءِ۔ عدالت عمران خان نا عبوری ضمانت و ویڈیو لنک حاضری نادرخواست آ فیصلہ ءِ ڈک کرے۔ اوکان پد عدالت عمران خان نا عبوری ضمانت اٹی چار مئی اسکان ودکی کرسا ویڈیو لنک حاضری نا درخواست آ فیصلہ ءِ بنفسا بیرہ اسہ دے اکن ویڈیو لنک آ پیشی نا موکل تس۔

(اے پی پی)

Get real time updates directly on you device, subscribe now.

Leave A Reply

Your email address will not be published.