دہشت گردی نا چٹفنگ اسکان جنگ برجا سلک، آرمی چیف
راولپنڈی : آرمی چیف جنرل سید عاصم منیر عزم کرینے کہ دہشت گردی نا لعنت ناپورو چٹفنگ اسکان پاک فوج اونا برخلاف جنگ کرسا کیک‘ پاکستان نا شہید آتا قربانیک بے بھرم ہنپسہ، پاکستان اٹ پورو امن پدی بریک‘ ریاستی ادارہ غاتا نیام اٹ ہم آہنگی المی ءِ۔ آئی ایس پی آر نا رد اٹ آرمی چیف سویلی وزیرستان اٹ پاک اوغان سیم آ سیمی چوکی تا دورہ ءِ کرے و فوجی تتون گپ وتران کرے۔ آرمی چیف وانا ٹی شہید آتا یادگار آ پھل شاغا و فارمیشن ہیڈ کوارٹرز نا دورہ ءِ کرے ہراڑے اودے فارمیشن نا کسبی‘ ہیلکاری و سکیورٹی باندات آتتون اوار پوسکن اوار مروک قبائلی ضلع غاتے ٹی شونداری کاریم تیا پیش رفت نا بابت بریفنگ تننگا۔ چیف آف آرمی اسٹاف پوسکن اوار مروک قبائلی ضلع غاتے ٹی سوگو وآخبتی امن و پیش رفت کن المی راجی و اقتصادی ڈٹ جوڑ کننگ و اوفتا پورو کننگ کن جوان چاگڑد فراوان کننگ کن سی ٹی نا کوشست آتا ستاءِ کرے۔آرمی چیف دہشت گردی ناپوروچٹفنگ اسکان دا لعنت نا برخلاف جنگ کننگ نا عزم کرے و پیدوار کرے کہ پاکستان نا شہید آتا قربانیک بے بھرم ہنپسہ و انشاء اللہ پاکستان اٹ پورو امن بریک۔
(آن لائن)